Shymalal Debbarma ni sinimung swimung tei wanswkmung swidi ?
Phirokmung:-Shymalal Debbarmani Sinimung: - Swikwrwng Shyamlal Debbarma khoroksa kokborok kokrwbaino chwnasarinai borok. Bo achaikha Bishalghar amchaini Rangmala kamio 1951 bisini November talni 2 salmario. Cherai jorani simino kokrwbai bai kubulwi phainai borok. Buchu boiragi tongmani bai kokrwbaio khamuchung habo. Kokrwbaini swimungni dalrem rwgwino swikha. Abono karwibo kokrwbai bwlai kokthingkha. Puila "Ani Tripura" mungwi 1969 biso ulo "Aitorma" mungwi kokrwbai bwlai 1973 bisio komthingo. Bo khoroksa TTAADC- ni adong.
SWIMUNGROGNO KHAMAO KHALWI PHUNUKJAKKHA:-
1.Swmai, karam(amar desh), Bijoy Rangkhol, vol-1, issue no13, 15th December1973
2. Amani khorang,karam, Bijoy Rangkhol, vol-1.issue-12, 30th October 1973(kerang/shyamlal Debbarma)
3.Bengswnal,ekangka natika, Puila bwkhak, 1974
4. Chichong chichong machichong 2003
5. Khong 1996
6 Adong1987
7 Dundrukma 1984
8 Tongthai naitugwi 2007
Kokswlaijal 1 Srikanta 1 (2009)
WANSWKMUNG:-Shyamlal Debbarma khorksa Dophano hamjaknai dophano kuchung sinimungni Mario tisane nainai kokborok kokno hamjaknai soi soi. Chwng bini phunukmari bobai swijk khothomayung koklop kothoma bwsa kokbwkhal aborogo manwi tongo. Kwbangma koklopni bisingo ang kaitham basiwi naharwi koklopni kokbothoma tei kokbwtang sukurubmung sawikha. O kaithamni koklopni bisingo puila "Hachunk gwnangwi maichwlwi pino" koklopno swikha. O koklop swimungni bisingtwi sawi mankha swinai eba koklopnai chini bosongno kuchugo tisana mwchungmani tei Hukumu-mukumuno pirna muchwngjakmani. Koklopnaini khakamungo tomung Hukumu-mukumu tei raidarog jai jaikhe chapjagwi tongkhe bosongo kwtal achaisong kahamkhe sak tharwi samung tangkhe bosong salsaya salsa chwngsawi mannai. Hachwk gwnangwi maichwlwi pinwi mai hamsamahai bebak jagao chini Hukumu-mukumu, tongmung chamungrog pirwi kwlang mankhe oborog teibo rochongnai tei kiyogwi mannai. Bini yagulo budhurai Debbarma bai swijak koklopni bisingtwi sawi mankha chwng mungsaya mungsa samung khaina thangkhe ukolok bwskang naharwi samung tangna nangnai. O koklopni bisingtwi teibo sawi mankha chwng okwra chakwrani kokno nororkhe bobo hai jwngjalo kwlai aborogni phunukmari rikha bini o koklobo. Tei kaisa koklop wngkha Rabindra Kishore Debbarma bai swijak" Andarni khuri" bini kokoklopni bisingtwi sawi mankha chwng ha sakao achai phaikhe kebo thwiya tongwi manya. Chwng achaiya swkang boro tongmani abo kebo sawi manyani bagwi chwng andarnino phaio hwnwi wansukjago. Abotwikhe thwiwi thangmani ulobo chwng mwnagono kwmawi thango hwnwi chongjago. Chwng jesa phano muchungya wngdi phiya abono kebo katiwi manya o kokno sana naikha bini o koklopni bisingtwi.