Q Resiyar Khagra Rwchapmungno Rwgwi Koklam1. Chengmung? B.A 3rd semester kokborok major paper:-6 Number mari :-12

Q Resiyar Khagra Rwchapmungno Rwgwi Koklam
1. Chengmung
Phirokmung:- Tipra dophao kusungre kusung bisi romwi khuk bai khugo sajagwi kochogwi phaijak kwbangma hukumu gwnang rangchak gwtwi manwi khwnwirok kwmaui thangbaikha. Tamoni hinkhe jora kwchamo lukurok swimung-khaimungni raidarok rwngjakya sijaya tei swikong swibwlainibo sinimung manya. Abohaikheno twrwk twrwk jora swlaijagwi thangkha. Haiphano jorani logi logi hodani khoroksa khoroksu wansukmung gwnang thinang naharnai borokrok baithangni hukumu rwkjak mungsaswk mukumuno kwmana kirijagwi khatiui narwkna bagwi sak tharlaimani nukjakkha. Hodao abohai borok kisano tongo tei abohai borokno ulo mwtaibai baksa sursalaiwi borom rijago. O swimungo je borokni kokno sana naio bo wngkha Samarendra Chandra Debbarma. Bo khoroksa Bir Chandra Manikyani bwsajwla kusu eba bubagra Radha Kishore Manikyani buphayung tongmani tei bo lukurokni thani Thakurrokni jotoni swlai kotor 'Borothakur' hinwi sinimung manwi tongmani. Oro Samarendra Chandra Debbarmani mung tangwi khursajakha hinmale sai manhorya joraní simi Tiprasarokni khuk bai khugo kochogwi phaijak 'Resiyar Khagra' rwchapmungni kokno bini swimungni bisingtwino chwng puila nuknani sep mankha. O swimung wngkha 1927 bisio karijak "Tripura Smriti" mungwi Tripura hasteni mukumu gwnang laiburmano rwgwi swijak kokbwkhal bijap. Bo o bijabo 'Resiyar Khagra' rwchapmungno khursama logi logi rwchapmungni khorangpilinobo swiwi phunuklangkha. Abobai Tiprasarok baithangni kwmana naijak tei pokna naijak o rwchapmungno khatiui naragwi manlaikha. O rwchapmungno rwgwino khamao kisa cherwi swijakkha. 

Popular posts from this blog

2nd Semester Major paper:- lV. Unit:-2 Topic:- Hathairai Mark:- 2 By. Nagendra jamatia

  Kokborok 2nd Semester Major paper:- lV. Unit:-2 Topic:- Hathairai Swinai ni mung. Nagendra jamati a Mark:- 2 1). "Hathairai " kothoma bwsa sabo bo bisio swi ? Ans:- "Hathairai" kothoma bwsa swinai wng kha Nagendra Jamatia. 'Hathairai' swijakma bisi 1993. Bini o bijab ni mung wngkha "Hathairai" 1978 bisiokarijago. 2). Kokborok kokrwbaio puila kothomabwsa swinai sabo ? tai a kothomabwsani mung tamo ? Ans:- kokborok kokrwbaio puila kothomabwsa swinai wngkha Nagendra jamatia. Bini a kothomabwsani mung wngkha "Hathairai". A hathai bijabni kaisa kothoma bwsa wng kha"Hathairai". 3). Hathairai hugo thangkhe tamo tamo khai? Ans:-Tok bothop rwtugo, nalago got khonogo, jora jora bumano chubago. bo aphuru je muchungmani khwlaio 4). Hathairai tongma chama tamo muitu manjak? Ans:-Thaichuk tolao kuwa khurmani kokno. 5). Hathairai sabo ? Ans:- Hathairai wngkha Nagendra jamatia bai swijak "Hathairai" kothomabwsani Hathairai. Bo Kami ...
Pori nai na bagoi aro sindi

Q.Kokborok kok Sanai kaibwswk bedek tong tei 2011 bisini borok lekhamungo bwswk bang tei cokborok sanairok bo amchaio tongwi tonglai swidi? 2nd semester kokborok major paper:-3 ni 12mark

               2ND SEMESTE KOKBOROK                          MAJOR PAPER:-3  UNIT:-1                   NUMBER MARI:-12 -----------------------------------------------   Kokborok kok Sanai kaibwswk bedek tong tei 2011 bisini borok lekhamungo bwswk bang tei cokborok sanairok bo amchaio tongwi tonglai swidi? kokphirokmung:- Bharat ha kotorni Uttor-pub amchaini kaisa chikonsa haste wngkha Tripura. O 'ripura hasteo kokborok kokni tongthai eba Tripura hasteni mani kok wngkha kokborok. O kok anairok Kaichuku (9) dopharok tongmani nukjago. Abrok wngkha- kwcham Tripuri (Debbarma), Reang, Jamatia, Tripura, kalai, Rupini, Murasing, Uchoi, tei Noatia akorok kokborok Sanai hwnwi inijagwi tongo. 2011 bisini borok lekhamungno rwgwi naikhe Hasteo kokborok Sanai dopharok borok bangmari kwbangkhe nukjago. Kalai tei Rupini Halam dophani bedego khop...
Pori nai na bagoi aro sindi

Q.kokborok kokni Kaibwswk bedek tong ?A bedekni kok sanairog bobo amchaio tongwi tonglai abono swidi ?Mark:-12

1) kokborok kokni Kaibwswk bedek tong ? A bedekni kok sanairog bobo amchaio tongwi tonglai abono swidi ? Ans:- Kokborok kokni kokdek Kaibwswk tong aboni swngmungo Sana thangkhe Sana kwlaio kaichar eba kaichuku tongo. Debbarma tei Tripura-no puran Tripuri mungriwi khakyawi thansakhe swikhe kaichar tei khagwi swikhe kaichuku bedek tongo. Aborog wngkha - Debbarma, Tripura, Reang, Jamatia, Noatia, Murasing,kalai,Rupini, tei Uchoi. Khamao bebak bedekbai koksanairog bobo amchaio tongwi tonglai abono swiphunukjaganw. PURAN TRIPURI:- (Debbarma tei Tripura) :- 2011 bisini borok lekhamungno rwgwi o dophani borok bangmani wngkha 5,92,255 ahai. Borog tonglaima thairog hwnkhe Tripura hasteni bebak amchaini koknono khursathai kwlaio - Bishalgarh,Jampuijala,Jirania, Mohanpur, Khowai, Teliamura, Bishramganj,Belonia, Sabroom, Manu, Gandacharra, Ambassa, manu,Chawmanu, Chailengta, Dumacherra, Gunganangar, abohai kwbangma thaiono tongwi tongo.kok kisabai Sana thangkhe Sana kwlaio Tripura hasteni kai...
Pori nai na bagoi aro sindi