Q.kokborok kokni Kaibwswk bedek tong ?A bedekni kok sanairog bobo amchaio tongwi tonglai abono swidi ?Mark:-12

1) kokborok kokni Kaibwswk bedek tong ?
A bedekni kok sanairog bobo amchaio tongwi tonglai abono swidi ?
Ans:- Kokborok kokni kokdek Kaibwswk tong aboni swngmungo Sana thangkhe Sana kwlaio kaichar eba kaichuku tongo. Debbarma tei Tripura-no puran Tripuri mungriwi khakyawi thansakhe swikhe kaichar tei khagwi swikhe kaichuku bedek tongo.
Aborog wngkha - Debbarma, Tripura, Reang, Jamatia, Noatia, Murasing,kalai,Rupini, tei Uchoi.
Khamao bebak bedekbai koksanairog bobo amchaio tongwi tonglai abono swiphunukjaganw.
PURAN TRIPURI:- (Debbarma tei Tripura) :- 2011 bisini borok lekhamungno rwgwi o dophani borok bangmani wngkha 5,92,255 ahai. Borog tonglaima thairog hwnkhe Tripura hasteni bebak amchaini koknono khursathai kwlaio - Bishalgarh,Jampuijala,Jirania, Mohanpur, Khowai, Teliamura, Bishramganj,Belonia, Sabroom, Manu, Gandacharra, Ambassa, manu,Chawmanu, Chailengta, Dumacherra, Gunganangar, abohai kwbangma thaiono tongwi tongo.kok kisabai Sana thangkhe Sana kwlaio Tripura hasteni kaichar hangkhorono o dophani borokrog tonglaio.
REANG:- 2011 bisini borok lekhamungno rwgwi o dophani borok bangmani wngkha -1,88,220 ahai. Hasteni Gomoti, Dokkhin,Dhalai,tei Uttar hangkhorni amchaio o dophani borokrog bangkugo. Santirbazar bwkhaksteni Bogafa, Laxmicherra,Birchandra manu, Amarpur, longthrai valley bwkhasteni manu, 82mile amchai, Kanchanpur bwkhasteni Pecharthal, Dasda, Anundabazar, Amchairogo o dophani borokrog bangkugo.
JAMATIA:- 2011 bisini borok lekhamungno rwgwi o dophani borok bangmani wngkha khorok 83,347 ahai. Udaipur, Amarpur,tei Teliamura bwkhasteno o dophani borok bangkugo. Udaipur bwkhasteni Pitra raiyabari, Joying, khumpuilwng, Atharbwla, Nogorai Kami, Teliamura bwkhasteni Muhorbari, Darjiling Kami rogo o dophani borokrog tonglaio. Aborogno karwibo Jampuijala bwkhasteni Songkotoram Kami, santirbazar bwkhasteni Birchandra manu, tei Amarpur bwkhasteni Ompi Amchairogo o dophani borokrog tonglaio.
NOATIA:- 2011 bisini borok lekhamungo Noatia tei murasing dopha kainwino thansakhe borok bangmani phunukjakkha khorok 14,298 ahai. Sonamura bwkhasteni melaghar amchai, Twiwandal kamirogo o dophani borokrog tonglaio.
MURASING:- Udaipur bwkhasteni teliamura tei
Mirza Kami, sonamura bwkhasteni Twiwandal Kami,tei Santirbazar bwkhasteni Birchandra manu tei potisori ako kamirogo o dophani borokrog tonglaio.
KALAI:- O dopha halam dophao khopjago. Aboni bagwino borok le o dophani borok bangmani jodakhe phunukjak kwrwi.
Haiphano o dophani baithang melmothani lekhamungno rwgwi o dophani borok bangmani wngkha -5000 ahai hwnwi sakwlaijakkha. Halam dophani bedek wngphano kokborok sanai dopharogni ganao sal kolok romwi tonglaimabai kalai dophani borokrogbo kokborok sanai wngwi thanglaikha. O dophani borokrog tonglaima amchairog wngkha Amarpur bwkhasteni Baisomoni para tei Ompi, tei Teliamura. Aghio Teliamurani mung Raigunmoni sardarni mungwi tongmani. O dophani melmothani lekhamungno rwgwi Amarpur, teliamura, Jampuijala, longthrai valley, Ambassa tei kanchanpur amchaini juda juda Kai 47 kamio Kai 2115 ahai kalai nukhung tonglaio.
RUPINI:- O dophabo halam dophano khopjago. Phiyaba kokborok kok sanai dopharogni ganao sal kolok romwi tongte tongte o dophabo kokborok sanai dopha wngkha. O dophani melmothani lekhamungno rwgwi o dophani borok bangmani wngkha 10,000 ahai. O dophani melmotha sakwlai matwi o dophani borokrogni puila Tongthai wngkha Baramura hachukni barduwar, khanting, tei nareng kamirogo. Aborogno karwi tabuk borog tonglaima thairog hwnkhe Birgudas para, Chandra sadi para, Roktiya kamirog. Champoknagar mung agio chandra sadu para tongmani.Manu, chailengta, Gagra cherra, Dumacherra,mainama tei gainama kamirogo o dophani borokrog tonglaio.
UCHOI:- 2011 Bosini borok lekhamungno rwgwi o dophani borok bangmani wngkha 2447 ahai.korbook bwkhasteni jatanbari mulungo barbari tei aboni ganagini kamirogobo o dophani borokrog tonglaio.



Popular posts from this blog

2nd Semester Major paper:- lV. Unit:-2 Topic:- Hathairai Mark:- 2 By. Nagendra jamatia

  Kokborok 2nd Semester Major paper:- lV. Unit:-2 Topic:- Hathairai Swinai ni mung. Nagendra jamati a Mark:- 2 1). "Hathairai " kothoma bwsa sabo bo bisio swi ? Ans:- "Hathairai" kothoma bwsa swinai wng kha Nagendra Jamatia. 'Hathairai' swijakma bisi 1993. Bini o bijab ni mung wngkha "Hathairai" 1978 bisiokarijago. 2). Kokborok kokrwbaio puila kothomabwsa swinai sabo ? tai a kothomabwsani mung tamo ? Ans:- kokborok kokrwbaio puila kothomabwsa swinai wngkha Nagendra jamatia. Bini a kothomabwsani mung wngkha "Hathairai". A hathai bijabni kaisa kothoma bwsa wng kha"Hathairai". 3). Hathairai hugo thangkhe tamo tamo khai? Ans:-Tok bothop rwtugo, nalago got khonogo, jora jora bumano chubago. bo aphuru je muchungmani khwlaio 4). Hathairai tongma chama tamo muitu manjak? Ans:-Thaichuk tolao kuwa khurmani kokno. 5). Hathairai sabo ? Ans:- Hathairai wngkha Nagendra jamatia bai swijak "Hathairai" kothomabwsani Hathairai. Bo Kami ...
Pori nai na bagoi aro sindi

Q.Kokborok kok Sanai kaibwswk bedek tong tei 2011 bisini borok lekhamungo bwswk bang tei cokborok sanairok bo amchaio tongwi tonglai swidi? 2nd semester kokborok major paper:-3 ni 12mark

               2ND SEMESTE KOKBOROK                          MAJOR PAPER:-3  UNIT:-1                   NUMBER MARI:-12 -----------------------------------------------   Kokborok kok Sanai kaibwswk bedek tong tei 2011 bisini borok lekhamungo bwswk bang tei cokborok sanairok bo amchaio tongwi tonglai swidi? kokphirokmung:- Bharat ha kotorni Uttor-pub amchaini kaisa chikonsa haste wngkha Tripura. O 'ripura hasteo kokborok kokni tongthai eba Tripura hasteni mani kok wngkha kokborok. O kok anairok Kaichuku (9) dopharok tongmani nukjago. Abrok wngkha- kwcham Tripuri (Debbarma), Reang, Jamatia, Tripura, kalai, Rupini, Murasing, Uchoi, tei Noatia akorok kokborok Sanai hwnwi inijagwi tongo. 2011 bisini borok lekhamungno rwgwi naikhe Hasteo kokborok Sanai dopharok borok bangmari kwbangkhe nukjago. Kalai tei Rupini Halam dophani bedego khop...
Pori nai na bagoi aro sindi