Q.Kokborok kok Sanai kaibwswk bedek tong tei 2011 bisini borok lekhamungo bwswk bang tei cokborok sanairok bo amchaio tongwi tonglai swidi? 2nd semester kokborok major paper:-3 ni 12mark

              2ND SEMESTE KOKBOROK                          MAJOR PAPER:-3 UNIT:-1
                  NUMBER MARI:-12
-----------------------------------------------
 Kokborok kok Sanai kaibwswk bedek tong tei 2011 bisini borok lekhamungo bwswk bang tei cokborok sanairok bo amchaio tongwi tonglai swidi?

kokphirokmung:- Bharat ha kotorni Uttor-pub amchaini kaisa chikonsa haste wngkha Tripura. O
'ripura hasteo kokborok kokni tongthai eba Tripura hasteni mani kok wngkha kokborok. O kok anairok Kaichuku (9) dopharok tongmani nukjago. Abrok wngkha- kwcham Tripuri (Debbarma), Reang, Jamatia, Tripura, kalai, Rupini, Murasing, Uchoi, tei Noatia akorok kokborok Sanai hwnwi inijagwi tongo. 2011 bisini borok lekhamungno rwgwi naikhe Hasteo kokborok Sanai dopharok borok bangmari kwbangkhe nukjago. Kalai tei Rupini Halam dophani bedego khopjago. Aboni bagwi-no porok lekhamungo juda khwlaiwi phunukjakya.

Phiyabo Borok lekhamungni baithangni mel mothani sakwlaimano rwgwi 25,000 sai hai borok tngo wnwi sajakkha. Kalai 15,000 sai tei Rupini 10,000 khorok sai. Abono karwibo phater ha kotor Bangladesh o 1,50,000 Ahai khorok tongmani nukjago. Tai Assam tei Mizoram o kwnwi hasteo 30,000 hai khorok tongo hwnwi sajakkha. Assam, Mizoram, Bangladesh tei Tripurano khobwi 10,85,500 ahai khorok kokborok sanairok tonglaimani hwnwi chongjago.

Tripura Hasteo kokborok Sanai dopharok tabuk bo amchairogo tong abono khamao bathing khe cherwi nailaiyanw-
andry

i.Tipra:- 2011 bisini census eba Boroklekhamungno rwgwi borok bangmari wngkha 5,92,255 hai khorok. Oro Tripura tei Debbarma Title swinairok kwnwi dophani borokrokno khurchajakha. Tai o dophani borokrok kaichar (8) Hangkorono tongmani nukjago. West Tripura, Sepahijala, Gomati, South Tripura, Khuwai, North Tripura, Dhalai, Unakuti Akorok Tipra bosongni borokrok tongmani nukjago.

ii. Reang:- 2011 bisini borok lekh mungo rwgwi Reang dophani borok bangmari wngkha- 1,88,220 Ahai khorok. Reang dopharok South Tripura, North Tripura Hangkorogo kwbangkhe nukjago. Abono karwibo santi bazer bwkhaste Laxmichara tei Birchandra manu amchai tei Amarpur Bwkhasteni kasuk amchai, Longtrai Vally bwkhaste, soilengta, samonu amcahirogo, Kanchnpur bwkhaste, pechathol, Dosta, Ananda Bazer amchairogo Reang dophani borokrok kwbangkhe tongmani nukjago.

iii. Jamatia:- 2011 bisini Census rokno rwgwi naikhe nugo Jamatia dophani borok bangmari wngkha-83,347 Ahai khorok. Udaipur, Amarpur, Jampuijala tei Teliamura bwkhaste rogo Jamatia dophani borokrok kwbangkhe nukjago.
*Amarpur Bwkhaste- Burburiya, Nograi kami.
*Udaipur bwkhaste: Pitra, Raiyobari, Jayibg kami, khuipulwng, 18 bwlap, silgati kamirok.
*Teliamura Bwkhaste: Muho bari, Darjeling kamirok.
*Jampuijala Bwkhaste: Songkotram, Dulkai, Bastumura( Lokai), Charkolok, Dulubnarayon, 3 Goria, Khupuilwng kamirok

iv. Kalai:- Kalai Dopha wngkha Halam Bosongo khopjago. Aboni bagwino Boroklekhamungo kalai Dophani borok bangmari judakhe phunukjak kwrwi. Haiphano kalai dophani borok bangmari wngkha 15,000 hai khorok hwnwi sajakkha. Kalai bosongni borokrok jampuijala, Ambasa, Amarpur, tei kailasahor bwkhaste rogo tongmani nukjago.

v. Rupini:- Rupini Dophani borokrok Kokborok kok saphano Halam bosongo khopjago. 2011 bisini borok lekhamungo Rupini-ni borok bangmari wngkha-10,000 ahai khorok. O dophani borokrok Jirarsa bwkhaste rogo tongmani nukjago. Hathai kotor hachwngni Borduyar, Khamting, Nareng, Birgudas para, Chandra sadu para, tei Roktiya kamirogo tonglaimani nukjago.Abono karwibo Manughat, Soilengta, Gagra chara, Dumachara, Moinama tei Goinama Kamirogo bo Rupini dophani borokrok tonglaimani nukjago.

vi. Noatia:- 2011 bisini borok lekhamungno rwgwi nainathangkhe Noatia bai Murasing Dophani borokrokno thansa khe lekhamani nukjago. Borokni borok bangmari wngkha- 14,298 khorok. Noatia dophani borokrok
* Sabroom Bwkhasteni Satchand amchairogo tonglaio.

*Longtrai bwkhaste: Dumachara, Moinama, Soilengta rogo tongma nukjago.
*Sunamura bwkhaste, tei Gonda chara amchairogo Noatia dopharok tonglaimani nukjago.

vii. Murasing:- Swkango khurchajakha 2011 bisini borok lekhamungno rwgwi Murasing tei Noatia dopharok bwswk borok bangmari wngkha- 14,298 ahai khorok.
*Udaipur bwkhaste:-Tulamura tei Mirja kami.
*Sunamura bwkhaste:- Twi wandal kami tei abono karwibo Santi Bazer bwkhasteni Birchandra manu tei Patisori kamirogobo o dophani borokrok tonglaimani nukjago.

Viii. Uchoi:- 2011 bisini borok lekhamungno rwgwi o dophani borok bangmari wngkha - 2,447 khorok.
* Korbuk bwkhasteni Jotan bari, Borbavi tei Aboni ganagini Uchoi dophani borokrok tonglai mani nukjago.

Paithak: Kokborok kok Sanai dopharok kwcham jora Maha Bharat jorani simino sinjagwi phaio. O dophani borokrok agi thansa tongmani phiya Indiya bai thansa wngmani yagulo baksaba Bangladesh rogo, baksab Assam tei Mizoram rogo ari khakjakbaiwi tongbaikha. Phiya 2011 bisini borok lekhamungno rwgwi naikhe kokborok Sanai dopharok 10,85,500 ahai khorok tonglaimani nukjago.

Popular posts from this blog

2nd Semester Major paper:- lV. Unit:-2 Topic:- Hathairai Mark:- 2 By. Nagendra jamatia

  Kokborok 2nd Semester Major paper:- lV. Unit:-2 Topic:- Hathairai Swinai ni mung. Nagendra jamati a Mark:- 2 1). "Hathairai " kothoma bwsa sabo bo bisio swi ? Ans:- "Hathairai" kothoma bwsa swinai wng kha Nagendra Jamatia. 'Hathairai' swijakma bisi 1993. Bini o bijab ni mung wngkha "Hathairai" 1978 bisiokarijago. 2). Kokborok kokrwbaio puila kothomabwsa swinai sabo ? tai a kothomabwsani mung tamo ? Ans:- kokborok kokrwbaio puila kothomabwsa swinai wngkha Nagendra jamatia. Bini a kothomabwsani mung wngkha "Hathairai". A hathai bijabni kaisa kothoma bwsa wng kha"Hathairai". 3). Hathairai hugo thangkhe tamo tamo khai? Ans:-Tok bothop rwtugo, nalago got khonogo, jora jora bumano chubago. bo aphuru je muchungmani khwlaio 4). Hathairai tongma chama tamo muitu manjak? Ans:-Thaichuk tolao kuwa khurmani kokno. 5). Hathairai sabo ? Ans:- Hathairai wngkha Nagendra jamatia bai swijak "Hathairai" kothomabwsani Hathairai. Bo Kami ...
Pori nai na bagoi aro sindi

Q.kokborok kokni Kaibwswk bedek tong ?A bedekni kok sanairog bobo amchaio tongwi tonglai abono swidi ?Mark:-12

1) kokborok kokni Kaibwswk bedek tong ? A bedekni kok sanairog bobo amchaio tongwi tonglai abono swidi ? Ans:- Kokborok kokni kokdek Kaibwswk tong aboni swngmungo Sana thangkhe Sana kwlaio kaichar eba kaichuku tongo. Debbarma tei Tripura-no puran Tripuri mungriwi khakyawi thansakhe swikhe kaichar tei khagwi swikhe kaichuku bedek tongo. Aborog wngkha - Debbarma, Tripura, Reang, Jamatia, Noatia, Murasing,kalai,Rupini, tei Uchoi. Khamao bebak bedekbai koksanairog bobo amchaio tongwi tonglai abono swiphunukjaganw. PURAN TRIPURI:- (Debbarma tei Tripura) :- 2011 bisini borok lekhamungno rwgwi o dophani borok bangmani wngkha 5,92,255 ahai. Borog tonglaima thairog hwnkhe Tripura hasteni bebak amchaini koknono khursathai kwlaio - Bishalgarh,Jampuijala,Jirania, Mohanpur, Khowai, Teliamura, Bishramganj,Belonia, Sabroom, Manu, Gandacharra, Ambassa, manu,Chawmanu, Chailengta, Dumacherra, Gunganangar, abohai kwbangma thaiono tongwi tongo.kok kisabai Sana thangkhe Sana kwlaio Tripura hasteni kai...
Pori nai na bagoi aro sindi