B.A 1st.Norogno khulumjao" koklopni kokyaphang swidi?
B.A 1st kokborok major
paper:-2
Mark :-12 Ni question tei answer
Topic:- "Norogno khulumjao"
1) "Norogno khulumjao" koklopni kokyaphang swidi?
Ans:- Swikwrwng Bodhrai debbarmani Sinimung kokborok kokrwbaini laibumao kwchwng aikhorbai sinijagwi tongnai khoroksa.Bo belai kha kwchang, uansukma kwchang uansugwi hodani hamkwraini bagwi uansukjanai borok. Bini swimung kwbangmani bero "Norogno khulumjao" koklop kaisa baithangni uansukmung riwi swijak.
****Bini swijak o koklopni kokyaphangno rwgwi naikhe saimano koklobnai o hayungo tongnaieba dophani borokrogno, takhuk-bukhuk, okwra-chakwra, chwrai-khonairogno baithangni yak kongnwi chabwi khorok kongwi khulumna naijakha. Tamoni hinba tabukni jora kwtalni sijak-nukjak tei Uansuk kwrwng borokrog thinangni lam kaham rutugwi, khorok jangriwi bwskango dopha hamkwraini bagwi samung khwlailaio. Haini bagwi o jora kwtalni sikla misip boyarni Phan bai baksa Hoda hamkwraini samungo yak riwi tongthokmung tubunairogno koklopnai khorok kongwi khulumjao.
***Koklopnai aro taibo sana naijakha, baithang Hoda eba dophani samung-humung khwlaithani Phan kebel, yapiri helengwi phaikha, khwlaina muchungbo yago Phan kwrwi, kha khamjagwi mokolni muktwi yorjakha. Tamoni hinba hodani eba mungsaswk samung kaham khwlaina thangthani logi rwnai khoroksa kwrwi. Haini bagwi koklopnai kha khamjagwi, kha yogwi mokolni muktwi yorjagwi phaimani kokrogno o koklopni bisingtwi chwng nogo.
***Swinai baithangni uansukmung riwi samani tongo,- Sak chukliya Ani, kha khamwi tongo Ani hinmani bisingtwi saimano mungsaswk samung khwlaina thangthani kwcharo dalkwbang kebengmung kotor, lama kupulung bebak samungo swkang-swkang kebengwi hamkwraini lam mathukjakmanirogno swinai khapang khulugwi Sana naijakha.Tamoni hinba kubun dophani lukurog kwlwkjak dophano teibo swkwlwgwi tonina bagwi chaitoklaio.bahaikhe kuchuk tei kuwar khwlaiwi tisawi man abohai chaitokmung kisaphano kwrwi. Hainibai koklopnai kha baijagwi mokolni muktwi kochogwi phaijago. Haiphano koklopnaini teisa kha thangsajago bini ukologo phainai jora kwtalni sijak-nukjak, uansukmung gwnang, elemgwnang lukurogno khorok kongwi ringphirjago.
***Koklopnai hoda hamkwrai phaising kuthuk uansuknai khoroksa. Bini o koklobni bisingtwi bo hasakani sijak-nukjak, uansukna kwrwng lukurogno kobokna naijakha, Phan kwtal tubuwi phaidi, uansukmung kwtal tubuwi phaidi. Samung khwlaima lamao norog kebobai lama ta kororijakdi. Chini o hani bagwi, chini Tongthaini bagwi tei chini borokni hamkwraini bagwi kha baksa, tongbaksakhe samungo yak rwlaisidi hinwi koklopnai sijak-nukjak lukurogno koklopni bisingtwi kobokna naijakha. Teibo Sana naijakha,- angle mungsa siliya, mungsa nukliya bebak kaham-hamyani samung Norogno sibaisinai, Norogno tonglamni bagwi kwchwng pohor tubunai hinwi abohai borokrokno koklopnai khapang khulugwi yak kongnwi chabwi khulumjao
paper:-2
Mark :-12 Ni question tei answer
Topic:- "Norogno khulumjao"
1) "Norogno khulumjao" koklopni kokyaphang swidi?
Ans:- Swikwrwng Bodhrai debbarmani Sinimung kokborok kokrwbaini laibumao kwchwng aikhorbai sinijagwi tongnai khoroksa.Bo belai kha kwchang, uansukma kwchang uansugwi hodani hamkwraini bagwi uansukjanai borok. Bini swimung kwbangmani bero "Norogno khulumjao" koklop kaisa baithangni uansukmung riwi swijak.
****Bini swijak o koklopni kokyaphangno rwgwi naikhe saimano koklobnai o hayungo tongnaieba dophani borokrogno, takhuk-bukhuk, okwra-chakwra, chwrai-khonairogno baithangni yak kongnwi chabwi khorok kongwi khulumna naijakha. Tamoni hinba tabukni jora kwtalni sijak-nukjak tei Uansuk kwrwng borokrog thinangni lam kaham rutugwi, khorok jangriwi bwskango dopha hamkwraini bagwi samung khwlailaio. Haini bagwi o jora kwtalni sikla misip boyarni Phan bai baksa Hoda hamkwraini samungo yak riwi tongthokmung tubunairogno koklopnai khorok kongwi khulumjao.
***Koklopnai aro taibo sana naijakha, baithang Hoda eba dophani samung-humung khwlaithani Phan kebel, yapiri helengwi phaikha, khwlaina muchungbo yago Phan kwrwi, kha khamjagwi mokolni muktwi yorjakha. Tamoni hinba hodani eba mungsaswk samung kaham khwlaina thangthani logi rwnai khoroksa kwrwi. Haini bagwi koklopnai kha khamjagwi, kha yogwi mokolni muktwi yorjagwi phaimani kokrogno o koklopni bisingtwi chwng nogo.
***Swinai baithangni uansukmung riwi samani tongo,- Sak chukliya Ani, kha khamwi tongo Ani hinmani bisingtwi saimano mungsaswk samung khwlaina thangthani kwcharo dalkwbang kebengmung kotor, lama kupulung bebak samungo swkang-swkang kebengwi hamkwraini lam mathukjakmanirogno swinai khapang khulugwi Sana naijakha.Tamoni hinba kubun dophani lukurog kwlwkjak dophano teibo swkwlwgwi tonina bagwi chaitoklaio.bahaikhe kuchuk tei kuwar khwlaiwi tisawi man abohai chaitokmung kisaphano kwrwi. Hainibai koklopnai kha baijagwi mokolni muktwi kochogwi phaijago. Haiphano koklopnaini teisa kha thangsajago bini ukologo phainai jora kwtalni sijak-nukjak, uansukmung gwnang, elemgwnang lukurogno khorok kongwi ringphirjago.
***Koklopnai hoda hamkwrai phaising kuthuk uansuknai khoroksa. Bini o koklobni bisingtwi bo hasakani sijak-nukjak, uansukna kwrwng lukurogno kobokna naijakha, Phan kwtal tubuwi phaidi, uansukmung kwtal tubuwi phaidi. Samung khwlaima lamao norog kebobai lama ta kororijakdi. Chini o hani bagwi, chini Tongthaini bagwi tei chini borokni hamkwraini bagwi kha baksa, tongbaksakhe samungo yak rwlaisidi hinwi koklopnai sijak-nukjak lukurogno koklopni bisingtwi kobokna naijakha. Teibo Sana naijakha,- angle mungsa siliya, mungsa nukliya bebak kaham-hamyani samung Norogno sibaisinai, Norogno tonglamni bagwi kwchwng pohor tubunai hinwi abohai borokrokno koklopnai khapang khulugwi yak kongnwi chabwi khulumjao