Kerang kothoma tamo? Kerang kothomani bisingtwi hodani mangphli swi phunukdi? 3rd semester kokborok major paper:-5

Kerang kothoma tamo? Kerang kothomani bisingtwi hodani mangphli swi phunukdi?

Ans: Kerang kothoma wngkha khukni kokrwbaini kaisa bedek. Kerang kothoma wngkha kaisa borokni khani wanswkjak kothoma. Abo laithangjak eba laibuma bai kwrwngjak mungsaswkno rwgwi sajak. Kerang kothoma borok dophani Hukumu-Mukumu luku kokrwbaini bisingtwi kothoma. Abono karwibo kerang kothomano chwng hapar tei borokni wanswkmung tei kwbangma wngmung swngmungrokni mangpili nwgwi tongo.

Laibumano rwgwi phaikhe chwng sawimano laithangjak jorani simino luku bosongni borokrok khukbai khugó kochok phaimani sajak phaimani. Bo joranisimi khukbai khugo sajagwi phaika abo mungsa khatijak kwrwi phiya o kok sajagwi tongo hayungo jephuruni simi luku hoda khawi tonglaina chengo a jorani simi kerang kothoma sajagwi phaio.

   :Kerang kothomani bisingtwi hodani mangphli:

Kokborok kokrwbaio kerang kothoma achukthai sal talbai baksa. Tamoni honkhe bini bisingtwi chini dopha hodao kaisa kok kwcharmung riwi kwlango. Kerang kothoma wngkha kaisa dopha hodani mangpili eba saknainwk. Saknainwko chini sagmang tongmani dadak sidak nwkjaktwi kerang kothoma chini hodao tamo tamo wngwi phaika, chini bosong bomotwi tongwi tongmani bosong elembak, wanswkmung khakamung akorok bebakno kerang kothomani bisingtwi kahamkhe nukjagwi tongo. Phaidi hinkhe taubk bobo kerang kothamani bisingtwi bomotwi kokwchamung tei kok kokkwcharming chini dophani bahai mangpili nukjak nailaiwano....

Chethuang mungwi kerang kothomao chwng mano bwta bahanokjwkno hamjakmani kothoma. civilization phuwarjakya jorao luku hodao kailai borlai khwlaimani raidarok juda tongmani. O jorao ok kaisani takhuk bukhukni bising luku kebengmung kwrwi hinkhe kaimani raida tongwi phano mano. phiya civilization phuwarjakmani yagulo bomohai halok hinkhe kaiwimano abotwi halok bowi rijakha. Chethuang kerang kothoma Civilization Phuwarjakya sani jorani kothoma. O kothamo bwta hanokno hamjagwi kaijkna hinamni hanok sawi manwi lachiman manwi chethuang buphang saka kawi talo thangwi paimani kothoma. O kothamni bisingwti chini dophano sawimankha ok kaisani bisingo kailai borlai wngwi manya abono chini o kothamni mangpili.

Tiprasa kulu hodao tei kaisa kwrang kothoma wngkha Khumpui. O kothamao chwng nugo bibi bai hanok saltwng watwi phikungo manjakrwi huk tanglaimani. Buma bupha hodani hamkwrani samung pailaiya wngngma bagwi Hugo "Gairing" khungsa tangwi rinani jora kwrwi. Salsa bibi Raima soi sugwi manya wngwi swmairio abotwi jora je Gairing khungsa tangwi rinai bono sai songnai hin. Sakmang philjak chibuk muisele masa teini salo Gairing tangrimani kothoma. Kok wngkha chini borok munisu thangwi tongnani hikhe kaisa tongthai nango nok nango. Tumung Gairing khungsa tangjak tongwi tongkhe o kerang kothoma achaigwlakhamung. O kothamni bisingtwi abono sana naio borok hasakao tongwi thangnani hinkhe kaisa nok kaisa tongthai belaino nangkuma abono hodani mangpili.

Tokma awan swkmani kerang kothoma belai khwnathok. O kerang kothomao borok munisuni sal bwrwm bwrwmni tongmungno romoi tisajakha. O kerang kothomano tokma kechen aming kwplai. Kwplai kechenno kusubo satogo, kechen kwplaini kok norwi manya. Abotwi chwng chini luku hodao kubangma nugwi tongo. Tokma sal burum burumni tektono soiswgwi manya wngma bagwi sak sak Katina bagwi bwkhao lama chongo. Kok wngkha dopha hoda khawi tongkhe salsa walai swklai wngwimano hai hin nwng tini Iwplai hinwi kechenno satokna kokya, paithago amingo bini gwrwngni bagwi langma chowi thango. o kerang kothomani bisingtwibo chini swrwngthai bebak nukjago.

Tipra luku bosongo thaisa kerang kothoma wngkha :Nuwai" o kerang kothaobo chwng nugo bibi bai hanok khoroknwini bising buma buphani naharmung bahai. Khoroksa tongmung chaya wngwi tongkhe bini bisingo bahaikhe tongmungno kaham khainani bomotwi kokbiti rikhe tomung swlaijkno amotwi kokbitirok ma rithai. Phiya kothoma sajwk khoroksano belai majrakotor riwi rio. Abotwino chini hodao chwrai jorani simi tumung kaham kokbiti kaham tongwrwng phurung tubuiya hinkhe abotei tektoo kwlaina nango.

Chini dophano mwnwi kothok kerang kothomabo achukthai manjak. Aborokni bising thaisa wngkha "Yamroksa". Sana thangkhe yamroksa wngkha khoroksa butuwa borok. Bini bwkha kwlai tongkosong tongnai borok. Nini khokhui nangma nangya bo amswk kahakhe wanswkya. Phiya bini tomung chamungrok hoda dophao wanama singsa tei munui kothok. Haiphano bini bisingtwi chini luku hodao khoroksa borok kwchwng kwthar kwbwi ni sinimung tei mangpili chwng manwi tongo.

Paithago o kokno sana kwlaio kerang kothamnai bisingtwino chini dopha hoda khamani laibuma chini thani dadak sidak nukhorwi tong. Chwng chethuwang, khumpui, tokma awan swkmani nuwai yamroksa hai swrwngmung gwnagno kerang kothomano karwibo chini hoda dophani mangpili rwngjak swrwngmung gwnang tebo kerang kothomarokbo nukjago. Aborokni bero kerang bai mwswi, randijwkma, selersa amotwi bebak swrwngmung gwnang kothamo chini hodao tongwi tongo.