Khukni kokrwbai ni intrudacttion // 3rd semester kokborok major paper:-5

Kokrwbai wngkha hoda dophani mangpili. Hayungo joto borok bosongni kaisa nangkukmani manwi wngkha kokrwbai. Kokrwbai kokthai Sanskrit kokthai “Kavya” Kokthaini phaio. Kokrwbai kokthaino sukrubwi naikhe nugo, Kokrwbai koktrhai ‘kok’ tei ‘Rwbai’ kokthai thainwi thansa wngwi kokrwbai wngo.  ‘Kok’ wngkha khoroksa bai teisa khorosani bisingo khukni bisingtwi khani wanswkma, khakama, wanama bebakno saimanrimani kaisa lama. ‘Rwbai’ wngkha (Art) kokni bisingtwi koktang, koklop, kothomarog nukjakmani aborogni bisingtwi phano ukologo kaisa kok huijak tongo abono hino rwbai. Kok bai rwbai thansa wngwino kokrwbai achaio. Kokrwbai wngkha kokni kaisa bedek. kok tongwino hayungo borok jotoni kuchuk tei kwplai hwnwi sinimung manwi tongo.Borokni khuktwi onkhormani kokthai kokmang gwnang koknono kokrwbai hwno.Kok tei rwbai kaisa bai kaisa kubulwi kwrwnglaijak.Kok kwrwi hwnkhe kokrwbai sinijakya.Kokrwbaini laibumano cherwi naikhe sal kwbang jorani simino khuk bai khuk kwrwnglaiwi kochogwi phaimani sawi mano.Bisi kwdwkma ulose swimungni yago yak rwjago. Ingraji wansuk kwrwng Virginia Woolf „Kokrwbaino‟no twi sakha- “Literature is strewn with the wreckage of those who have minded beyond reason the opinion of others”. Tei khoroksa Ingrjini wansuk kwrwng Alfred North Whitehead „Kokrwbai‟no twi sakha- “It is in literature that the concrete outlook of humanity receives its expression” Banglani swikwrwng Rabinranath tagore kokrwbaino twiwi sakha- “Antorer jiniske bahire, bhaber jiniske bhasai,nijer jiniske biswamanober, khonokaler jiniske chirokaler koriye tula sahityer kaj”.