Radha mohan thakurni troipur kothomala bijapni kothoma basarokno Cherwi swidi

Radha mohan thakurni troipur kothomala bijapni kothoma basarokno Cherwi swidi

Q.Radha mohan thakurni troipur kothomala bijapni kothoma basarokno Cherwi swidi?

Ans:- kokborok kokrwbaio Thakur Radha Mohan debbarmani mungno puila Tiprasarokni bisingo swimungo khursathai kwlaio. kokborokni laibumano twiwi Sana thangkhe puilao bini mungbai sinimungno bwskango tonithai.bo achaikha Agulini krishna nagar amchaio.bini bupha wngkha Ram dulal debbarma tei buma wngkha Ananda mayee Devi.Thakur Radha Mohan debbarma kokborok Kokrwbaio bono puila kothoma bwsa swinai. kokrwbaio Troipur kothomala bijap bisingo 1906 bisio kothoma bwsa swijak mano. A bijap bisingo kaiba kothoma bwsano mano.
A kaiba kothoma bwsarokni mung wngkha- i)Radha. ii)Muhini. iii)sudhamini.iv) Madhab. v) Bukhuknwi.
i) Radha:- Radha kothoma bwsao Radha Mohan bini baithang langmani kothomano twiwi swijak. Radha Mohanni langmani kothoma belai wanamasingsa hai bini bupha agulio phaiwi bukrani nogo chamiri kasa phaio. Aro tongtwtwi bubagwrani samung khwlaikha. A samung wngkha Reangrokni tatam thumwi bubagwrano riphaio. Alu bupha bemar kotor manjagwi bono yakarwi kwlangkha. Aphuru bini omor bisi chiswk wnganu. bo Aphuru Gobinda thakur bai tongwi torkha lokha tei swrwngkha.Chwrai phuruni simino Radha Mohan bumama bai sal phaikhe bubagwrani nogo thanglaisu khwlai tongjao. bini tongma chama, koklam wansukma tong kwchang.baithangni nukhungo kaham khe twlang thanio bini kothomao baithangni Langmani kokno sajak mano.
ii) Muhini :- Muhini wngkha radhani bihik. Swinai bini bihik muhini mungbai bihikni langmani kothomano wakha.kothoma bwsani bisingtwi saui mano bihik muhini hinjaknai belai maya gwnang, borok kaham, kokbai lambai saui tongnani kwrwng.Bwsai bwsarokno naikolna kwrwng.Noksa nokarini borokbai borom riui tongjaknai hamjwk. Muhini kothomao swnai bini bihikni langmani kothomao twiwi swijakha.
iii) Sudha mini :- Sudha mini wngkha Radha bai muhini sajwk okra. swinai bini sajwkno muito khwlaiwi bini sajwk okrani kothomao wajakha.Sudhamini cherai phuruno kaijakha.Ulo bwsa bo khoroktham mankha.Kisa ulo nokni borok bai Mai chariya tei satok pitok khwlaijagwi sak hamya kwlaiwi langma chukha. Wngwi thangjak tei laiwi thangjak bwsajwk okrani kokno muito khwlaiwi o kothomao swijakha.
iv) Bwkhuknwi:- Bwkhuknwi kothoma bwsa achukthai rijagwi swijakha Raima bai saimani kothoma rwksawi Abo khumpui baruru kerang kothomao rwksaui bini o kothoma bwsa swijak mano.
Rosamung: -Bini kothoma bwsa swijago wngwi thangjak tei laiwi thangjak bini talikhani birman kokrokno kothoma bwsao achukthai riui swijak mano

Popular posts from this blog

2nd Semester Major paper:- lV. Unit:-2 Topic:- Hathairai Mark:- 2 By. Nagendra jamatia

  Kokborok 2nd Semester Major paper:- lV. Unit:-2 Topic:- Hathairai Swinai ni mung. Nagendra jamati a Mark:- 2 1). "Hathairai " kothoma bwsa sabo bo bisio swi ? Ans:- "Hathairai" kothoma bwsa swinai wng kha Nagendra Jamatia. 'Hathairai' swijakma bisi 1993. Bini o bijab ni mung wngkha "Hathairai" 1978 bisiokarijago. 2). Kokborok kokrwbaio puila kothomabwsa swinai sabo ? tai a kothomabwsani mung tamo ? Ans:- kokborok kokrwbaio puila kothomabwsa swinai wngkha Nagendra jamatia. Bini a kothomabwsani mung wngkha "Hathairai". A hathai bijabni kaisa kothoma bwsa wng kha"Hathairai". 3). Hathairai hugo thangkhe tamo tamo khai? Ans:-Tok bothop rwtugo, nalago got khonogo, jora jora bumano chubago. bo aphuru je muchungmani khwlaio 4). Hathairai tongma chama tamo muitu manjak? Ans:-Thaichuk tolao kuwa khurmani kokno. 5). Hathairai sabo ? Ans:- Hathairai wngkha Nagendra jamatia bai swijak "Hathairai" kothomabwsani Hathairai. Bo Kami ...
Pori nai na bagoi aro sindi

Q.Kokborok kok Sanai kaibwswk bedek tong tei 2011 bisini borok lekhamungo bwswk bang tei cokborok sanairok bo amchaio tongwi tonglai swidi? 2nd semester kokborok major paper:-3 ni 12mark

               2ND SEMESTE KOKBOROK                          MAJOR PAPER:-3  UNIT:-1                   NUMBER MARI:-12 -----------------------------------------------   Kokborok kok Sanai kaibwswk bedek tong tei 2011 bisini borok lekhamungo bwswk bang tei cokborok sanairok bo amchaio tongwi tonglai swidi? kokphirokmung:- Bharat ha kotorni Uttor-pub amchaini kaisa chikonsa haste wngkha Tripura. O 'ripura hasteo kokborok kokni tongthai eba Tripura hasteni mani kok wngkha kokborok. O kok anairok Kaichuku (9) dopharok tongmani nukjago. Abrok wngkha- kwcham Tripuri (Debbarma), Reang, Jamatia, Tripura, kalai, Rupini, Murasing, Uchoi, tei Noatia akorok kokborok Sanai hwnwi inijagwi tongo. 2011 bisini borok lekhamungno rwgwi naikhe Hasteo kokborok Sanai dopharok borok bangmari kwbangkhe nukjago. Kalai tei Rupini Halam dophani bedego khop...
Pori nai na bagoi aro sindi

Q.kokborok kokni Kaibwswk bedek tong ?A bedekni kok sanairog bobo amchaio tongwi tonglai abono swidi ?Mark:-12

1) kokborok kokni Kaibwswk bedek tong ? A bedekni kok sanairog bobo amchaio tongwi tonglai abono swidi ? Ans:- Kokborok kokni kokdek Kaibwswk tong aboni swngmungo Sana thangkhe Sana kwlaio kaichar eba kaichuku tongo. Debbarma tei Tripura-no puran Tripuri mungriwi khakyawi thansakhe swikhe kaichar tei khagwi swikhe kaichuku bedek tongo. Aborog wngkha - Debbarma, Tripura, Reang, Jamatia, Noatia, Murasing,kalai,Rupini, tei Uchoi. Khamao bebak bedekbai koksanairog bobo amchaio tongwi tonglai abono swiphunukjaganw. PURAN TRIPURI:- (Debbarma tei Tripura) :- 2011 bisini borok lekhamungno rwgwi o dophani borok bangmani wngkha 5,92,255 ahai. Borog tonglaima thairog hwnkhe Tripura hasteni bebak amchaini koknono khursathai kwlaio - Bishalgarh,Jampuijala,Jirania, Mohanpur, Khowai, Teliamura, Bishramganj,Belonia, Sabroom, Manu, Gandacharra, Ambassa, manu,Chawmanu, Chailengta, Dumacherra, Gunganangar, abohai kwbangma thaiono tongwi tongo.kok kisabai Sana thangkhe Sana kwlaio Tripura hasteni kai...
Pori nai na bagoi aro sindi