Bimol ni Tongwrwng eba Bimol ni sini mung // B.A 3rd semester kokborok major paper:-vi

Bimol ni Tongwrwng eba Bimol ni sini mung

Bimal wngkha Nanda kumar Debbarma bai swijak 'Rung-1'(2001) kothomayungni khoroksa tongrwng. Bo khoroksa Rwngnogo phwrwngnaini samung manwi Sorma amchaio sokphainai. Phwrwngnai kwtal manwi phainai Jogeshsong hai Bimal bo khoroksa. Kala jaci  hatini ganao Jogesni Senior Basic rwngnok tai Gondatwisao khe Bimalni rwngnok.
Bimal borok bai belaino kwthajago. Koksanabo belaino kwrwng. Bo Chakuri manphano students organisation bai gwdaljakhu tai thwngrwngobo bwkha rwjakho. Bini bayarogno rwngnok kotoro swrwngwl tongphuruno ang waisaya waisa montri wnganw hwnwi sa sao. Sorma amchaio phaimani bisa kayasanino bini bodolo kwbangma borokno sitogwi khibikha. Chakuri khwlai phano haino bui hai siring siring tongna naniya. Sarik wngkheno gana-ginini kami rogo beraio tai aroni borokrog bai kok salaio, borogni podrepod jwngjalni kokrog khwnao tai tamo khwlai mano abotwi iamarog phunugo. Bimal tamo party khai hatini borok tai amchaini borok bebak sawi manbaikha. Baksa baksa phwrwngnai wngtwtwi thwngrwng khwlaio hwnwi kuchugo kokbo silsakha, haiphano mungsa khwlal manya. Yang Bimal abohairogno mungsa sak nangya bini muchungtwi khwlai tongo.
Bimalsong Sorma amchaio phaiwi nukphaikha, aroni bosong bosongni lukurog belaino wanao kwlaijak. Dungurno ban thewi Electric chati chwngrwnai, Bisl kolokma samung tangmani yagulo tabuk paitwtwi wngkha. Khali tabuktwi hai jorao Bolongbasa hatirog twi tolao kwlwgwi thangbainai. Haste haphangbo sorma amchaini lukurogno kutulrwnani kwbangma samung bwtang yago nakha.
Tongkosong tongnai lukurog Bimal ni thani phailai kokbiti naphaio. Lukurog dakti dakti o jwngjalni yak kakna muchungjakbaio.
Bimal khoroksa haphangni sebuk. Lukuni birman bikhata, jwngjarogno twiwi samung tangnani abo bini haphangni samungya. Phiya luku hamkwrai nainai omotwirogno naisigwi siring siring khai tongwi manjakya. Chini borok dophani bisingo tabukse chini kok, hukumurog kuchugo kwsana naidorop. Omotwi jorao lukurogni kok wansugwi, borogni ukologo tongwi bachai mayakhe chini wansukmung haino twio kochogwi thangnai tai khem nai tongnairog lama kahamkheno phugwi manai. Ayang bwkhago wansugwi swkangni simino baithangni pojano karwi luku hamkwraino wansuknai Bimal taibo bwkha bwchago lukuno chubana bagwi. Borokni birman bikhat, jwngjalrogno twiwi thwngrwng thwnaglaimani chaya hwnwi Bimal wansugo. Aboni bagwino haphangni sebuk khwlaitwtwi phano lukurogni hamkwraini samungo ma nongkhorkha

Popular posts from this blog

2nd Semester Major paper:- lV. Unit:-2 Topic:- Hathairai Mark:- 2 By. Nagendra jamatia

  Kokborok 2nd Semester Major paper:- lV. Unit:-2 Topic:- Hathairai Swinai ni mung. Nagendra jamati a Mark:- 2 1). "Hathairai " kothoma bwsa sabo bo bisio swi ? Ans:- "Hathairai" kothoma bwsa swinai wng kha Nagendra Jamatia. 'Hathairai' swijakma bisi 1993. Bini o bijab ni mung wngkha "Hathairai" 1978 bisiokarijago. 2). Kokborok kokrwbaio puila kothomabwsa swinai sabo ? tai a kothomabwsani mung tamo ? Ans:- kokborok kokrwbaio puila kothomabwsa swinai wngkha Nagendra jamatia. Bini a kothomabwsani mung wngkha "Hathairai". A hathai bijabni kaisa kothoma bwsa wng kha"Hathairai". 3). Hathairai hugo thangkhe tamo tamo khai? Ans:-Tok bothop rwtugo, nalago got khonogo, jora jora bumano chubago. bo aphuru je muchungmani khwlaio 4). Hathairai tongma chama tamo muitu manjak? Ans:-Thaichuk tolao kuwa khurmani kokno. 5). Hathairai sabo ? Ans:- Hathairai wngkha Nagendra jamatia bai swijak "Hathairai" kothomabwsani Hathairai. Bo Kami ...
Pori nai na bagoi aro sindi

Q.Kokborok kok Sanai kaibwswk bedek tong tei 2011 bisini borok lekhamungo bwswk bang tei cokborok sanairok bo amchaio tongwi tonglai swidi? 2nd semester kokborok major paper:-3 ni 12mark

               2ND SEMESTE KOKBOROK                          MAJOR PAPER:-3  UNIT:-1                   NUMBER MARI:-12 -----------------------------------------------   Kokborok kok Sanai kaibwswk bedek tong tei 2011 bisini borok lekhamungo bwswk bang tei cokborok sanairok bo amchaio tongwi tonglai swidi? kokphirokmung:- Bharat ha kotorni Uttor-pub amchaini kaisa chikonsa haste wngkha Tripura. O 'ripura hasteo kokborok kokni tongthai eba Tripura hasteni mani kok wngkha kokborok. O kok anairok Kaichuku (9) dopharok tongmani nukjago. Abrok wngkha- kwcham Tripuri (Debbarma), Reang, Jamatia, Tripura, kalai, Rupini, Murasing, Uchoi, tei Noatia akorok kokborok Sanai hwnwi inijagwi tongo. 2011 bisini borok lekhamungno rwgwi naikhe Hasteo kokborok Sanai dopharok borok bangmari kwbangkhe nukjago. Kalai tei Rupini Halam dophani bedego khop...
Pori nai na bagoi aro sindi

Q.kokborok kokni Kaibwswk bedek tong ?A bedekni kok sanairog bobo amchaio tongwi tonglai abono swidi ?Mark:-12

1) kokborok kokni Kaibwswk bedek tong ? A bedekni kok sanairog bobo amchaio tongwi tonglai abono swidi ? Ans:- Kokborok kokni kokdek Kaibwswk tong aboni swngmungo Sana thangkhe Sana kwlaio kaichar eba kaichuku tongo. Debbarma tei Tripura-no puran Tripuri mungriwi khakyawi thansakhe swikhe kaichar tei khagwi swikhe kaichuku bedek tongo. Aborog wngkha - Debbarma, Tripura, Reang, Jamatia, Noatia, Murasing,kalai,Rupini, tei Uchoi. Khamao bebak bedekbai koksanairog bobo amchaio tongwi tonglai abono swiphunukjaganw. PURAN TRIPURI:- (Debbarma tei Tripura) :- 2011 bisini borok lekhamungno rwgwi o dophani borok bangmani wngkha 5,92,255 ahai. Borog tonglaima thairog hwnkhe Tripura hasteni bebak amchaini koknono khursathai kwlaio - Bishalgarh,Jampuijala,Jirania, Mohanpur, Khowai, Teliamura, Bishramganj,Belonia, Sabroom, Manu, Gandacharra, Ambassa, manu,Chawmanu, Chailengta, Dumacherra, Gunganangar, abohai kwbangma thaiono tongwi tongo.kok kisabai Sana thangkhe Sana kwlaio Tripura hasteni kai...
Pori nai na bagoi aro sindi