Q. “kotengphani Nukhung” kothoma bwsani kokyaphang swidi ?
1) “kotengphani Nukhung” kothoma bwsani kokyaphang swidi ?
= Kokborok rwbaikwrwng Jiban Mukti Tripura bai swijak kothoma bwsani mung wngkha “Kotengphani
Nukhung”. O kothomani bisingtwi swkangni jorao hukbar tei tangwi twiwi chanai tongksong lukurokni nukhungni kokno twiwi swijakkha. Chwng jotono saimano kwrwi nukhungni borokrok tangwi twiwi chathani jora jorao koklam pherlaio tei kha koilaio , kok Biskara saui walaijago. Haiphhano tangwi twiwi chathani nukhung khungsani borok kha thansa wngwi mwnwi kelerkhe tongwi tongmani bo nukjago. Abohai tongkosong tongnai lukurokrokno twiwi kothomao khursai phunukna naijakha.
“Kotengphani Nukhung” kothoma bwsano rwgwi naikhe o kothoma Kotengphani langma tei nukhungni kokno twiwi swinai swijakha. Kothomani yaphang murama Kotengphano . Kotengpha kamini khoroksa kaijak borok. Bo hukbar , tangwi twiwi chanai borok. Saimano nukhung khwlaithani gwnang -kwrwi jotono waisaya waisale koklam banglaio, kha koilaimarok nugo. Abohaino kothomao bo salsa dipor jorao Kotengpha bol wa phaksa tubui nokholao berai nokni borokno ringwi twi kwchang kisa sanmani phiyaba bihik bini kokno Biskara khwlaiui jolima haikhe kokphirokmung rio. Tai Kotengma bahamjwkno twi rina bagwi dagio . phiyaba kotengpha bihikni abohai jolimung tei Biskara kokno khwnaui twi kangwi tongphano nwngliya hinwi bahamjwkno mwthak rikha.
Kothomano rwgwi naiui taibo nugwimano Kotengma bwsai Kotengpha borokno kam eba samung khaiya bo simino saichung dukhu birman khwlaiui ajiui ma chario hinwi kutugo. Phiyaba kotengpha abohai mungsa kha hamya wansukmungse kwrwi . bole taise nok-nukhungni bagwi nogo salsa phano kahamkhe achugwi bihik bwsabai koklam salaina jora manya , haiphano bihik hinkhe bwsaino wasukmung hamya wansugo. Kothomao taibo nukha kotengma bwsaino yasi kolwi kok kotorkhe Samani. Bo bwsaino hino “I Komde bekereng swbai kam khwlai rang langa langa khaikha thwi thangwi isorni thani saui manano—phaiphuru rang langa langa kabui phaikha hinwi lachina kwrwi “ mohaikhe bwsaino nasigwi kok swngma nugwi bahamjwkni mokolo mwchangjakya wngwi bwkara bai bwkarajwkno mwthakmani nukjago. Phiya bahamjwkni kokno khwnathokjakya wngwi bwkarajwk kotengma mokol kwchakkhe nasigo. Bihik_bahamjwkni phaising abohai nasikmung nugwi kotengpha bahamjwkno bujogwi kwchangkhe sao tai bihikno twiwi bo kok kaham sao.
Taibo kothomao nukha kotengphani bwsajwk Lolita bwsaino kok Biskara sao hinwi. phiyaba yango bupha bai buma bwsajwk , bwsala tei chamiri , hamjwkno twiwi mungsa kha hamya wansukmase kwrwi . bwsajwkni kokno khwnai buma kotengma kok phirokna naima jora bwchamirino nugwi mungsa khuksa hinliya swkangni haikhe kha kwchang tei nukhung kwchangkhe tonglaimani.
Paithago swinai kothomao Kotengphani nukhungni kokno phunukna naijakha. Kotengpha bihik bwsa-bwtwi tei hamjwk .chamirino twiwi tantwi twiwi chalaithani joro jorao koklam pherlai tei kha koilaiui kisa misa walaiphano nukhungo kaham tongthok tei tongkwchangkhe koklam thansakhe khwnalaiui tonglaimani mangpili nugwimano. Abohai haino hoda-dophao borokma borok tongo tangwi twiwi chalai thani koklam pherlaiui walai suklai wngwi bihik bwsabai nukhungo tongkwchang kwrwi. Abohai borokno kotengphani nukhungni haikhe tongkwchangkhentongnani kokno sana naijakha.