Chandra Kanta murasing bai swijak "Holong kok sao Bolong bisingo"koklopni kok yaphang swidi?

Phirokmung:-koklob kwrwng tei elem gwnang chandra kanta murasing kokborok kokrwbaini khotolo kuchuk beremo tongnai khoroksa.Tamoni hinba bini swimung kokrwbaini khotolo koklop,kok bwkhal,koktang akorog mojomno swijak tongo.Haini bai bini mung kokborok kokrwbaini laibumano muito narukjakthai khoroksa.
                   "Holong kok sao bolong bisingo" Koklob kaisa belaino kuthuk wansukmung riwi swijakha.koklopno rwgwi naikhe saimano hayungo tong kuchang tonglainai borokrog tongrungni raida kwtal rogno kwlaisakhe yachagwi maniliya.Ha sakao omotwi yakumun kwnangma tongo.Tongrung gwnang borokrog kwcham raidano twiwi tonglainai borokrogni tongthai hano segwi borogno rwkhwlai laikha tei sukumalaikha.Ulo o tong kwchamni
                  Holong kok sao bolong bisingo raidano twiwi tonglainai borokrogni tangmung twimung,tongmung chamung tei hukumu mukumu akorog turuk turuk komorwi thangbai kha,aboni logi logi o bosongni dopharog bo turuk turuk komorwi thangbaikha.
                  Koklop swinai bini koklopni bisingtwi sana naikhe agwli tonglainai tabukni tong gwrwngni tangmung twimung, chamung nwngmung tei wansukmung bai hakchal kami muluk hapung harhai,hachuk kamio tonglainai borokrogni naharmung bwbak bukhaktwino juda.Hachuk mulugo tongnai lukurogni tangmung  twimung , gwrwngrog bebak phaising twino kwchang do do.Abohai borokrogni man na muchungma thakmung bangthaiya .Tamoni hinba borogni samung,kisisa,bokrokni wansukmungo kenama,sejakma,naiselemarog kwrwi.Jotono khabaksa tong kahamkhe kwthalai tonglaio,Abohai jorao borogni o tongthai amchaio atomsa muphunnwi samung bwtang hinwi eba borokno tabukni tong kaham kwtal raida bai baksa tisanani bagwi chenjakkha hinwikhe borok abono kwlaisakhe yachagwi manya.
                       Koklopni bisingtwi teibo sawimano hachuk mulugo tongnai eba kwcham raidano narugwi tongnairogni sirisitini tongmung raidano yakarwi tabukni raida kwtalno yachaknani abo kwlaisakhe manya.Tongmung chamungrog raidatwi tonglna bagwi borog borokni tongthai yakarwi tongna bagwi kwtal tongthai manaituklaio.Aboni bagwino hachuk mulugo tongnai lukurog teibo hachal bolong kuthugo mathanglaio.. koklopno rwgwi naikhe nugo borogni bising kha kwrak khoroksa khoroknwi tongthaiyakarwi thanglaina nailaiya.Tong gwrwngni raida kwtalbai gudalwi tongna bagwi tongmung chamung kwtal raidarog romwi thangwi tonglaina naio.phiyaba o borokrogbo ulokhe tongmung chamung lamo kwmajakgwi birman kotoro kwlailaio.Bosong dopha kuchukni bodol kwbang borokrogbai kusubjaklaio,satokpitok khwlaijaklaio.Tabukni tong gwrwngni kwtal raidarogno romoi manhorya wnglaijago.Aphuru hinkhe thangwi tongna bagwi o dopharok chobao ungkhornani mapanjilaio.
                 Paithak :- Chandra Kanta murasing bai swijak "Holong kok sao bolong bisingo" koklobo bubagra hinkhai tabukni tong gwrwngrogni bodol kwbang bororogni mangkhong tei holong hinkhai tong kwchan tonglainai baithangni tongthaio tongna bagwi borog kha kwrakni mangkhongo.

Popular posts from this blog

2nd Semester Major paper:- lV. Unit:-2 Topic:- Hathairai Mark:- 2 By. Nagendra jamatia

  Kokborok 2nd Semester Major paper:- lV. Unit:-2 Topic:- Hathairai Swinai ni mung. Nagendra jamati a Mark:- 2 1). "Hathairai " kothoma bwsa sabo bo bisio swi ? Ans:- "Hathairai" kothoma bwsa swinai wng kha Nagendra Jamatia. 'Hathairai' swijakma bisi 1993. Bini o bijab ni mung wngkha "Hathairai" 1978 bisiokarijago. 2). Kokborok kokrwbaio puila kothomabwsa swinai sabo ? tai a kothomabwsani mung tamo ? Ans:- kokborok kokrwbaio puila kothomabwsa swinai wngkha Nagendra jamatia. Bini a kothomabwsani mung wngkha "Hathairai". A hathai bijabni kaisa kothoma bwsa wng kha"Hathairai". 3). Hathairai hugo thangkhe tamo tamo khai? Ans:-Tok bothop rwtugo, nalago got khonogo, jora jora bumano chubago. bo aphuru je muchungmani khwlaio 4). Hathairai tongma chama tamo muitu manjak? Ans:-Thaichuk tolao kuwa khurmani kokno. 5). Hathairai sabo ? Ans:- Hathairai wngkha Nagendra jamatia bai swijak "Hathairai" kothomabwsani Hathairai. Bo Kami ...
Pori nai na bagoi aro sindi

Q.Kokborok kok Sanai kaibwswk bedek tong tei 2011 bisini borok lekhamungo bwswk bang tei cokborok sanairok bo amchaio tongwi tonglai swidi? 2nd semester kokborok major paper:-3 ni 12mark

               2ND SEMESTE KOKBOROK                          MAJOR PAPER:-3  UNIT:-1                   NUMBER MARI:-12 -----------------------------------------------   Kokborok kok Sanai kaibwswk bedek tong tei 2011 bisini borok lekhamungo bwswk bang tei cokborok sanairok bo amchaio tongwi tonglai swidi? kokphirokmung:- Bharat ha kotorni Uttor-pub amchaini kaisa chikonsa haste wngkha Tripura. O 'ripura hasteo kokborok kokni tongthai eba Tripura hasteni mani kok wngkha kokborok. O kok anairok Kaichuku (9) dopharok tongmani nukjago. Abrok wngkha- kwcham Tripuri (Debbarma), Reang, Jamatia, Tripura, kalai, Rupini, Murasing, Uchoi, tei Noatia akorok kokborok Sanai hwnwi inijagwi tongo. 2011 bisini borok lekhamungno rwgwi naikhe Hasteo kokborok Sanai dopharok borok bangmari kwbangkhe nukjago. Kalai tei Rupini Halam dophani bedego khop...
Pori nai na bagoi aro sindi

Q.kokborok kokni Kaibwswk bedek tong ?A bedekni kok sanairog bobo amchaio tongwi tonglai abono swidi ?Mark:-12

1) kokborok kokni Kaibwswk bedek tong ? A bedekni kok sanairog bobo amchaio tongwi tonglai abono swidi ? Ans:- Kokborok kokni kokdek Kaibwswk tong aboni swngmungo Sana thangkhe Sana kwlaio kaichar eba kaichuku tongo. Debbarma tei Tripura-no puran Tripuri mungriwi khakyawi thansakhe swikhe kaichar tei khagwi swikhe kaichuku bedek tongo. Aborog wngkha - Debbarma, Tripura, Reang, Jamatia, Noatia, Murasing,kalai,Rupini, tei Uchoi. Khamao bebak bedekbai koksanairog bobo amchaio tongwi tonglai abono swiphunukjaganw. PURAN TRIPURI:- (Debbarma tei Tripura) :- 2011 bisini borok lekhamungno rwgwi o dophani borok bangmani wngkha 5,92,255 ahai. Borog tonglaima thairog hwnkhe Tripura hasteni bebak amchaini koknono khursathai kwlaio - Bishalgarh,Jampuijala,Jirania, Mohanpur, Khowai, Teliamura, Bishramganj,Belonia, Sabroom, Manu, Gandacharra, Ambassa, manu,Chawmanu, Chailengta, Dumacherra, Gunganangar, abohai kwbangma thaiono tongwi tongo.kok kisabai Sana thangkhe Sana kwlaio Tripura hasteni kai...
Pori nai na bagoi aro sindi