Srikanta –1 kothomayungni kok yaphang swidi? B.A3 rd semester kokborok major paper:-6

Srikanta –1 kothomayungni kok yaphang swidi? 
Ans:- Swikwrwng Shyamlal Debbarma bai kok swlaijak Srikanta-1 kothomayungno bijap 
khwlaiwi 2009 bisio karijakha. O kothomayung bangla kokrwbaini swikwrwng Sharat 
Chandra Chattupadhya bai swijakno kokborok kokbai swlaiwi kwtal achukthai rijakha 
kokrwbaio. Kothomayungo nugo Srikanta bini paithang laingmao phaiwi sokphaimani. Bo 
uphilwi naiharkha bini laijak jorani langmano. chwrai jora sikla jorarokni kokno. Bo 
wanswkkha bini langma kolokma hamya bai hamya mamang hinwi. Bini kamini borok bini 
nok nukhungni borokrok bono hamya mokolbaino naio. tamoni hinkhe bo bini nok nukungni 
phaising waisabo uphil naharyakho. 
Srikantano chwrai jorani kokno sana thangkhe puilano chwng Indranath ni kokno 
sana nango. Indranath wngkha Srikantoni loge eba khapangni bayap. Indranath bai Srikanta 
kaisa Food ball thwnglaimungo sinilaio. O thwnglai mungo Hindu tei Muslimni bisingo kaisa 
walaimung phaio. O jorao 7/8 khorok phaiwi srikatoni buna phaikhe aphuru Indranath 
mwtani suwari wngwi phaiwi bono phiyokgwi twlango. Sana thangkhe Indranath khoroksa 
kwrak tei phangwnang borok. 
Indronath khoroksa buma buphabai yakarjak borok. Lekha porao bini bwkha kwrwi 
salpung yang yang beraiwi sal pairiw horo. O joraono bono siddhi cigarette nwngmani nugo. 
Phiya bini bwkha belai kaham tongmani tei buni chubanaibo tongmani. Waisa waisu bo horo 
rung chogwi gongao twimao thango. laichima kirima kwrwi Indranathni bwkhak Srikantni 
bwkha thango. o jorani simi borok kwnwini bising teibi kichingni maya nukjagwi phaio. 
Srikanta Indrajitno Guru hin maniwi naharo. Salsa Indranath bai Srikanta rung chogwi chibuk 
sindrai kiriyawi a romnairokni a khoklaio. Phiya o a khokmani borok sakni bagwi khokya. 
Machaya ma nwngya bigra Annada didi songni bagwisi khogo. 
Kothomayungo chwng teibo nugo, Annada didi song wngkha bukhuknwi. Chwla 
bwsa kwrwi hinwi bupha kwrwi bigra nukhungni chwrai khoroksano bini nogo toniwi 
pathago Annada didi bai kaiwi rio. Phiya salsa o Annadani bwsai buwaijwk randino bwtharwi 
nokni nokhorwi thango. phiya bisi sini ulo thuruk chibuk romnai wngwi o nukhungo teisa 
kiphilwiphaio. Salasa hor diporo Annada didi tei bini bwsai Sahoji nok yakarwi tangwi paio. 
Tamoni hinkhe bwsaini naislemung tomungno twiwi Annada didi tongna muchungya o 
kamio. salsa Sahoji chubuk sukjagwi thwio. A jora Indra tei Srikanto thwimani samungrok 
pairiwirio. 
Srikanta tabuk sikla chaslok. Salsa rajani bwslani ringhorjakmabai borok bolong 
muisongna thalaio. O thaio rwchapmung musamung nwnglai chalai belaino tongthok 
chathok. O thaiwi thangwino Srikanta malaio Piyari baiji bai. Horpung musamani yagulo 
Srikantano Piyari baiji sao ‘rang puisa naharkaba ani musathai ang ma musajao hai hinwi 
nwngbo aro kwlwgwi ta tongni nogo thangdi hinwi sao’ Srikantano. baiji bono buma buphani 
kokbo swngo. Phiya Srikanta o Piyari baiji sabo siniwi manliya. Piyari baiji wngkha 
Srikantani chwraini hamjakma logesong Rajlokhi. Rajlokhi tei Suralakhi bukhukuknwino 
bupha umor chakwrabai 70 taka bai kawi horo. Srikanta wanajago Rajlokhi amswk Bhaiji ni 
samung twngwi bahaikhe bini chwraini hamjakmano muitu tonkha hinwi. Srikata tabuk sannasirokni palbai baksa Biharni kami kami o bikkha thumoio. O 
joraono o kamio bosonto beram phaiwi hapaio. Jotono kami yakarwi kharlaio. Phiya Srikanta 
thaliya bo je nogo tongo o nokni borokrok srikanta lwlwmjakno khibi thangwi paio. Aphuru 
Srikanta Rajlokhino telegram khaio. Aphuru Rajlakhi Srikantano bini nok Patnao twlangwi 
thango. horsal naikani khaiwi bini sakhamrio Rajlokhi. O thaio thangwi Srikanta Rajlokhini 
bwsa satoi Bongku bai sinilaio. Srikanta sak hamani yagulo Rajlokhi swngo buphuru nogo 
thanai. Ani bwsla tongo nwng kwbang salo aro tongkhe bui hamya sanai hinwi. 
Paithago o kokno sathai kwlaio, swinai Sharat Chandra Chattupadhya bini o kothomayungo abo hai kwbwi kiching, hamjakmung, rwchapmung, mwnwimung abo hai bwsa bwsa kokrok o kothomayung sarwi swijak.O kothomayungni bisingwi o jorani hoda hukumu bahai tongmani aborok chini thani swrai swrai. Ballo bibaho, jati bed protha o jorao dophano swkwmairio

Popular posts from this blog

2nd Semester Major paper:- lV. Unit:-2 Topic:- Hathairai Mark:- 2 By. Nagendra jamatia

  Kokborok 2nd Semester Major paper:- lV. Unit:-2 Topic:- Hathairai Swinai ni mung. Nagendra jamati a Mark:- 2 1). "Hathairai " kothoma bwsa sabo bo bisio swi ? Ans:- "Hathairai" kothoma bwsa swinai wng kha Nagendra Jamatia. 'Hathairai' swijakma bisi 1993. Bini o bijab ni mung wngkha "Hathairai" 1978 bisiokarijago. 2). Kokborok kokrwbaio puila kothomabwsa swinai sabo ? tai a kothomabwsani mung tamo ? Ans:- kokborok kokrwbaio puila kothomabwsa swinai wngkha Nagendra jamatia. Bini a kothomabwsani mung wngkha "Hathairai". A hathai bijabni kaisa kothoma bwsa wng kha"Hathairai". 3). Hathairai hugo thangkhe tamo tamo khai? Ans:-Tok bothop rwtugo, nalago got khonogo, jora jora bumano chubago. bo aphuru je muchungmani khwlaio 4). Hathairai tongma chama tamo muitu manjak? Ans:-Thaichuk tolao kuwa khurmani kokno. 5). Hathairai sabo ? Ans:- Hathairai wngkha Nagendra jamatia bai swijak "Hathairai" kothomabwsani Hathairai. Bo Kami ...
Pori nai na bagoi aro sindi

Q.Kokborok kok Sanai kaibwswk bedek tong tei 2011 bisini borok lekhamungo bwswk bang tei cokborok sanairok bo amchaio tongwi tonglai swidi? 2nd semester kokborok major paper:-3 ni 12mark

               2ND SEMESTE KOKBOROK                          MAJOR PAPER:-3  UNIT:-1                   NUMBER MARI:-12 -----------------------------------------------   Kokborok kok Sanai kaibwswk bedek tong tei 2011 bisini borok lekhamungo bwswk bang tei cokborok sanairok bo amchaio tongwi tonglai swidi? kokphirokmung:- Bharat ha kotorni Uttor-pub amchaini kaisa chikonsa haste wngkha Tripura. O 'ripura hasteo kokborok kokni tongthai eba Tripura hasteni mani kok wngkha kokborok. O kok anairok Kaichuku (9) dopharok tongmani nukjago. Abrok wngkha- kwcham Tripuri (Debbarma), Reang, Jamatia, Tripura, kalai, Rupini, Murasing, Uchoi, tei Noatia akorok kokborok Sanai hwnwi inijagwi tongo. 2011 bisini borok lekhamungno rwgwi naikhe Hasteo kokborok Sanai dopharok borok bangmari kwbangkhe nukjago. Kalai tei Rupini Halam dophani bedego khop...
Pori nai na bagoi aro sindi

Q.kokborok kokni Kaibwswk bedek tong ?A bedekni kok sanairog bobo amchaio tongwi tonglai abono swidi ?Mark:-12

1) kokborok kokni Kaibwswk bedek tong ? A bedekni kok sanairog bobo amchaio tongwi tonglai abono swidi ? Ans:- Kokborok kokni kokdek Kaibwswk tong aboni swngmungo Sana thangkhe Sana kwlaio kaichar eba kaichuku tongo. Debbarma tei Tripura-no puran Tripuri mungriwi khakyawi thansakhe swikhe kaichar tei khagwi swikhe kaichuku bedek tongo. Aborog wngkha - Debbarma, Tripura, Reang, Jamatia, Noatia, Murasing,kalai,Rupini, tei Uchoi. Khamao bebak bedekbai koksanairog bobo amchaio tongwi tonglai abono swiphunukjaganw. PURAN TRIPURI:- (Debbarma tei Tripura) :- 2011 bisini borok lekhamungno rwgwi o dophani borok bangmani wngkha 5,92,255 ahai. Borog tonglaima thairog hwnkhe Tripura hasteni bebak amchaini koknono khursathai kwlaio - Bishalgarh,Jampuijala,Jirania, Mohanpur, Khowai, Teliamura, Bishramganj,Belonia, Sabroom, Manu, Gandacharra, Ambassa, manu,Chawmanu, Chailengta, Dumacherra, Gunganangar, abohai kwbangma thaiono tongwi tongo.kok kisabai Sana thangkhe Sana kwlaio Tripura hasteni kai...
Pori nai na bagoi aro sindi